Dritan Abazoviq në Beograd, merr pjesë në “Ballkanin e Hapur”
BKT
Foto: Dritan Abazoviq/Facebook
Rajoni dhe Bota

Dritan Abazoviq në Beograd, merr pjesë në “Ballkanin e Hapur”

Vijesti/RTKlive

Kryeministri në largim i Malit të Zi, Dritan Abazoviq, ka paralajmëruar se do të marrë pjesë në panairin e verës që do të mbahet në Beograd, në kuadër të nismës për “Ballkanin e Hapur”.

Në mesin e liderëve rajonalë, në panair do të marrin pjesë presidentët e Serbisë, Aleksandar Vuçiq, kryeministri i Shqipërisë, Edi Rama dhe kryeministri i Maqedonisë së Veriut, Dimitar Kovaçevski.

Gazeta podgoricase “Vijesti” shkruan se kryeministri në largim i Malit të Zi, Dritan Abazoviq,  do të udhëtojë në Beograd më 1 shtator, ku me ftesë të organizatorëve do të marrë pjesë në Panairin Ndërkombëtar të Verës “Wine Vision Open Balkans”.

Panairi organizohet nën kujdesin e Qeverive të Serbisë, Republikës së Maqedonisë së Veriut dhe asaj të Shqipërisë, si pjesë të nismës “Ballkani i Hapur”.

Ministrja e Tregtisë, Turizmit dhe Telekomunikacionit në Qeverinë e Serbisë, Tatjana Matiq, tha se “Wine Vision Open Balkans” është një nga hapat e parë të përbashkët në konkretizimin e ideve dhe strategjisë së “Ballkanit të Hapur”.

Është njoftuar se ngjarja do të bëjë së bashku ekspozues nga rajoni dhe nga e gjithë bota.

Panairi mbahet nga 1 deri më 4 shtator në Beograd.


MË SHUME NGA Rajoni dhe Bota