09:16 / 02.10.2022
Superliga vazhdon sot me supersfidën Ballkani-Gjilani
Fatmir Bytyqi /RTKlive
Elita e futbollit të Kosovës vazhdon sot me supersfidën mes Ballkanit dhe Gjilanit.
Kampioni në fuqi i Kosovës dhe skuadra gjilanase përballen në kuadër të javës së nëntë.
E diela pasdite parashikohet të jetë e ‘nxehtë’ në Suharekë, pasi dueli mes Ballkanit dhe Gjilanit pritet të sjell një ndeshje interesante, sepse takohen dy skuadra që mëtojnë kreun e tabelës.
Sfida mes Ballkanit dhe Gjilanit nis në orën 13:00.
Ndërkaq, takimi mes Prishtinës dhe Trepçës ’89 është shtyre për më vonë për shkak të gjendjes jo të mirë të fushës në ‘Fadil Vokrri’.























