09:20 / 10.02.2023
Pas 90 orësh nën rrënoja, foshnja 10 ditëshe nxirret e gjallë|Video
J.Musliu/RTKlive
Foshnja Yagız Ulas, vetëm 10 ditëshe, 90 orë pas tërmetit u nxor nga rrënojat me nënën e saj në Samandag, Hatay.
Ato u nxorën nga ekipet për kërkim-shpëtim të Komunës Metropolitane të Stambollit.
Presidenti i kësaj komune, Ekrem Imamoglu, tha: “Bebja Yagız Ulas është vetëm 10-ditëshe. Ai u nxor nga rrënojat bashkë me nënën e tij në Samandag, Hatay, 90 orë pas tërmetit”.
Ndërkohë që numri i viktimave nga tërmeti katastrofik që goditi Turqinë dhe Sirinë të hënën, tani i ka kaluar 21 mijë persona.
Ekipet e shpëtimit janë ende në kërkim të rrënojave për të mbijetuar, por shpresat po zbehen më shumë se katër ditë që nga tërmeti i parë.























