23:19 / 09.03.2023
Disa persona të vdekur pas një sulmi me armë në Hamburg
RTKlive
Policia gjermane ka raportuar se disa persona u vranë dhe disa të tjerë u plagosën nga të shtënat e armëve brenda një kishe në qytetin verior gjerman të Hamburgut të enjten mbrëma, raporton agjencia e lajmeve AP.
Policia tha në ‘Twitter’ se të shtënat ndodhën në lagjen Gross Borstel, disa kilometra në veri të zonës qendrore të qytetit të dytë më të madh të Gjermanisë.
Policia tha se “disa persona mbetën të plagosur rëndë, e disa prej tyre kanë mbetur të vdekur nga këto shtëna me armë”, por nuk kanë dhënë ndonjë shifër të saktë.
Të shtënat kanë ndodhur rreth orës 21:00.
Detajet rreth këtij sulmi dhe motivet e tij nuk janë bërë të ditura ende.























