Sulm me armë në një shkollë në SHBA, shkon në 6 numri i të vrarëve
BKT
Rajoni dhe Bota

Sulm me armë në një shkollë në SHBA, shkon në 6 numri i të vrarëve

REL

Të paktën tre fëmijë dhe tre të rritur u vranë pas të shtënave me armë zjarri në një shkollë private të krishterë në Neshville në shtetin Tenesi të SHBA-së.

Ngjarja ndodhi të hënën në mëngjes me kohën lokale, ku më pas e dyshuara, një vajzë adoleshente, u qëllua me vdekje nga Policia.

Don Aaron, zëdhënës i Departamentit të Policisë Metropolitane Neshville, u tha gazetarëve se e dyshuara kishte të paktën dy pushkë gjysmë-automatike dhe një pistoletë.

"Ne nuk e dimë identitetin e saj në këtë moment", tha ai.

Vdekja e tre nxënësve u konstatua pasi arritën në Spitalin e Fëmijëve Monroe Carell. Kështu tha John Hoëser, zëdhënës i spitalit.

Gjithashtu, edhe tre anëtarë të stafit të shkollës u vranë.

Shkolla Covenant në Neshville u themelua në vitin 2001 dhe ka rreth 200 nxënës, sipas faqes së internetit të shkollës.

Sulm me armë në një shkollë fillore në SHBA, vriten 3 fëmijë

VoA

Tre fëmijë kanë mbetur të vrarë si pasojë e një sulmi me armë zjarri të hënën, në një shkollë private të krishterë, në Nashville të shtetit Tenesi.

Në një postim në Twitter, autoritetet njoftuan se pas përballjes me policinë ka vdekur gjithashtu edhe i dyshuari si autor i sulmit.

Zyrtarët thanë se të tre fëmijët kishin plagë të shkaktuara me armë zjarri dhe se ata u shpallën të vdekur pas mbërritjes në spitalin e Fëmijëve ‘Monroe Carell Jr’.

Nuk dihet ende numri i personave të plagosur. Por më herët departamenti i Zjarrfikësve të Neshvillit, shkruante në Twitter, se bëhej fjalë për të 'plagosur të shumtë'.

Sulmi ndodhi në shkollën ‘The Covenant’, një shkollë presbiteriane me rreth 200 nxënës, nga sistemi parashkollor deri në klasë të gjashtë.


MË SHUME NGA Rajoni dhe Bota