12:37 / 09.04.2023
PSG gati të bëjë gjithçka për Bellingham
F.Bytyqi/RTKLive
PSG është gati të bëjë gjithçka për objektivin e Real Madridit dhe mesfushorin e Borussia Dortmundit, Jude Bellingham për të transferuar gjatë kësaj verë, raporton ‘Fichajes’.
Bellingham është një nga lojtarët më të kërkuar në Evropë. Real Madridi prej kohësh është duke e ndjekur supertalentin e ‘milionerëve’ të Gjermanisë.
Por, tani në garë për Bellingham thuhet se ka hyrë fuqishëm edhe gjiganti francez, PSG.
Kampionët në fuqi të Francës tashmë kanë nisur të ndërtojnë skuadrën për sezonin e tyre të ardhshëm, dhe Bellingham është prioritet i parisienëve.
Asi i Dortmundit monitorohet edhe nga Liverpooli, dhe duket se kjo verë do të jetë e ‘nxehtë’ për Bellingham.























