20:12 / 23.06.2023
Rezultatet e dobëta ia humbin Hadzibegicut pozitën e trajnerit
Uran Krasniqi / RTKLive
Tri humbje nga katër ndeshje në kualifikueset e Euro 2024 i kanë kushtuar Faruk Hadzibegicit, duke bërë që ai të largohet nga pozita e trajnerit të Kombëtares së Bosnë dhe Hercegovinës.
Në ndeshjen e fundit, të martën e kësaj jave, skuadra boshnjake e drejtuar nga Hadzibegic pësoi humbje në shtëpi nga Luksemburgu me rezultat 2-0. Paraprakisht Bosnë dhe Hercegovina ishte mposhtur nga Portugalia dhe nga Sllovakia.
Hadzibegic nuk do ta kryejë më detyrën e trajnerit ka njoftuar të premtën Federata boshnjake.
Ish-futbollisti jugosllav, i cili e kishte drejtuar Bosnjën edhe në vitin 1999, e kishte marrë detyrën në janar.























