Gjermania është e gatshme të rrisë trupat ushtarake në Lituani
M.Miftari/RTKlive
Gjermania është gati të vendosë trupa në vlerë të një brigade në Lituani, me qëllim të sigurimit të krahut lindor të aleancës ushtarake të NATO-s.
Kështu tha ministri gjerman i Mbrojtjes, Boris Pistorius, gjatë një vizite në Lituani.
“Gjermania është gati të vendosë në mënyrë të përhershme trupa në vlerë të një brigade në Lituani”, deklaroi ministri gjerman i Mbrojtjes, Boris Pistorius, njoftojnë mediat e huaja, transmeton RTKlive.
Sipas tij, infrastruktura e duhur dhe përputhshmëria fleksibël me planifikimin e NATO-s, janë parakushte për vendosjen e trupave.
Sipas mediave ndërkombëtare bëhet e ditur se aktualisht janë rreth 1000 ushtarë gjermanë në Lituani, derisa me shtimin e brigadës gjermane, numri i tyre do të arrijë në 4000 ushtarë.























