Neymar: Jam i qetë, do të jem në PSG edhe sezonin e ardhshëm
BKT
Sport

Neymar: Jam i qetë, do të jem në PSG edhe sezonin e ardhshëm

F.Bytyqi/RTKLive

Sulmuesi brazilian i PSG-së, Neymar, në një intervistë për “Caze TV”, ka thënë se nuk do të largohet nga Parisi.

Asi brazilian prej kohësh është i lidhur me largimin nga “Parku i Princave”. Neymar thotë se të paktën edhe një sezon do të jetë pjesë e PSG-së.

“Shpresoj të jem në PSG sezonin e ardhshëm. Unë kam kontratë, askush nuk më ka njoftuar për asgjë deri tani, jam i qetë”, ka thënë Neymar.

PSG-ja ka bërë shumë ndryshime në këtë verë, me afrimin e trajnerit Luis Enrique dhe transferime të mëdha si Milan Skriniar, Marco Asensio dhe Lucas Hernandez.

Ndryshe, braziliani është duke u vëzhguar nga disa klube evropiane përfshirë edhe Chelsea-n.