41 emigrantë vdesin nga përmbytja e një barke në Itali
Ardiana Gashi / RTK
Dyzet e një emigrantë kanë vdekur në një përmbytje të barkës në ishullin italian të Lampedusa, thanë të mbijetuarit për mediat lokale.
Një grup prej katër personash që i mbijetuan katastrofës u thanë shpëtimtarëve se ishin në një barkë që ishte nisur nga Sfax në Tunizi dhe ishte fundosur rrugës për në Itali.
Katër të mbijetuarit, me origjinë nga Bregu i Fildishtë dhe Guinea, arritën në Lampedusa të mërkurën.
Të mbijetuarit, tre burra dhe një grua, u thanë shpëtimtarëve se ishin në një barkë me 45 persona, duke përfshirë tre fëmijë.
Ata thanë se barka e tyre u largua nga Sfax të enjten javën e kaluar, por u përmbyt brenda disa orësh.
Ata me tej thanë se u shpëtuan nga një anije mallrash dhe më pas u transferuan në një anije të rojes bregdetare italiane.
Roja bregdetare italiane raportoi për dy anije që u përmbytën në zonë të dielën, por nuk është e qartë nëse kjo barkë është një nga ato.
Më shumë se 1800 njerëz kanë humbur jetën deri më tani këtë vit në kalimin nga Afrika e Veriut në Evropë.
Autoritetet tuniziane thonë se Sfax, një qytet port rreth130 km nga Lampedusa, është një portë e njohur për emigrantët që kërkojnë siguri dhe një jetë më të mirë në Evropë.
Ditët e fundit, anijet italiane të patrullimit dhe grupet e bamirësisë kanë shpëtuar 2000 persona të tjerë që kanë mbërritur në Lampeduza.
Tunizia ka parë një valë racizmi kundër afrikanëve me ngjyrë në muajt e fundit dhe përpjekjet për t'u larguar nga vendi me anije janë shtuar.























