Gjermania hedh hapin e parë drejt legalizimit të kanabisit në vend
BKT
Rajoni dhe Bota

Gjermania hedh hapin e parë drejt legalizimit të kanabisit në vend

A. Gash /RTK

Qeveria gjermane ka bërë hapin e parë drejt legalizimit të kanabisit në Gjermani. Të mërkurën në Berlin, kabineti miratoi një projekt-ligj nga Ministri gjerman i Shëndetësisë Karl Lauterbach që do të lejonte të rriturit të zotëronin dhe të kultivonin kanabis në një shkallë të kufizuar.

Lauterbach foli për një ligj të rëndësishëm që do të sillte një kthesë në politikën gjermane të drogës. Konsumi po rritet, tha ai, duke shtuar se krimi i drogës është në rritje dhe produktet në tregun e zi po bëhen më të rrezikshme për shkak të përzierjeve. Këto probleme duhet të përballen me ?legalizimin e kontrolluar?, tha ministri, duke folur për një ?ligj me sens proporcioni?.

Sipas draftit, posedimi i 25 gramëve kanabis do të jetë i ligjshëm në të ardhmen për ata mbi 18 vjeç. Deri në tre bimë mund të rriten në shtëpi. Njerëzit mund të bashkohen me shoqatat e kultivimit për të prodhuar kanabis në kushte të kontrolluara. Anëtarëve mund t'u shpërndahen deri në 50 gram në muaj.

Për të rinjtë, posedimi dhe konsumimi mbetet i ndaluar. Lauterbach tha se truri i njerëzve nën 25 vjeç dëmtohet nga konsumimi i kanabisit. Ai dëshiron të sigurojë që këto të dhëna të përhapen kudo.


MË SHUME NGA Rajoni dhe Bota