Zjarret në Spanjë, evakuohen banorët e disa fshatrave
BKT
Rajoni dhe Bota

Zjarret në Spanjë, evakuohen banorët e disa fshatrave

Përgatiti: F. Bekqeli /RTK

Një zjarr i madh në ishullin spanjoll të Tenerife ka çuar në evakuimin e pesë fshatrave. Valët e të nxehtit janë bërë më të shpeshta, më intensive dhe zgjasin më gjatë, për shkak të ndryshimeve klimatike të shkaktuara nga njerëzit.

Zjarri është përhapur në rreth 8 km katrorë që kur filloi në një rezervat natyror në bregun verilindor të ishullit,  në mbrëmjen e së martës. Autoritetet lokale kanë ndërprerë qasjen në pyllin rreth vullkanit.

Mount Teide, maja më e lartë e Spanjës dhe thonë se tani kanë shpërthyer zjarre të reja. Helikopterët që spërkasin ujë janë parë duke fluturuar mbi zonë. Zjarri kryesor po përhapet përmes pyjeve dhe grykave në zonat Candelaria dhe Arafo, duke e bërë të vështirë për zjarrfikësit trajtimin e tyre.

Fshatrat Arrate, Chivisaya, Media Montaña, Ajafoña dhe Las Lagunetas u evakuuan mëngjesin e së mërkurës.

Pedro Martinez, kreu i shërbimeve të urgjencës në Tenerife, tha se zjarre të shumta të reja kanë shpërthyer gjithashtu.

Që nga mbrëmja e së mërkurës, nuk pati asnjë ndërprerje të dukshme në mbërritjet ose nisjet në aeroportet e jugut dhe veriut të Tenerife. Ai vjen pasi Ishujt Kanarie u goditën nga një valë të nxehti që ka lënë shumë zona të thata, duke rritur rrezikun e zjarreve.

Muajin e kaluar, mijëra banorëve në ishullin e afërt La Palma - i cili gjithashtu është pjesë e arkipelagut të Ishujve Kanarie në brigjet e Afrikës veriore, iu tha të evakuoheshin për shkak të një zjarri në mes të një periudhe të nxehtësisë intensive.

Zjarret e egra kanë shpërthyer në shumë pjesë të botës këtë verë, duke përfshirë Evropën Jugore, Afrikën Veriore, Kanada dhe Hawaii.


MË SHUME NGA Rajoni dhe Bota