Zjarret në Greqi, evakuohen banoret rreth malit Parnitha
BKT
Rajoni dhe Bota

Zjarret në Greqi, evakuohen banoret rreth malit Parnitha

Ardiana Gashi/RTK

Zjarrfikësit punuan gjatë natës për të kontrolluar flakët në Parnitha, malin më të madh në periferi të Athinës. Zjarri u rindez në orët e para të së enjtes ndërsa erërat e forta përfshinë zonën.

Sipas Departamentit të Shërbimit Zjarrfikës, pak pas orës 3 të mëngjesit me orën lokale të mëngjesit të së enjtes, kur zjarri ishte në shuarje, filluan të fryjnë erëra shumë të forta dhe shkaktuan një ringjallje të madhe.

Fronti i zjarrit aktualisht po lëviz në lindje drejt zonës së Agia Paraskevi, e cila u evakuua të mërkurën më 23 gusht.

Gjatë natës, banorët e zonave të Thrakomakedones, Voskizës dhe Panorama (Menidi) janë paralajmëruar përmes numrit të urgjencës të jenë gati për t'u evakuuar nëse flakët afrohen në ndërtesat e tyre.

Të paktën 260 zjarrfikës, përfshirë 13 ekipe në këmbë dhe 77 automjete, po punojnë në zonë. Ata mbështeten nga 6 aeroplanë dhe 7 helikopterë.

Përpjekjet për shuarjen e zjarreve po mbështeten nga Shtabi i Përgjithshëm i Mbrojtjes Kombëtare dhe Policia Helenike, si dhe ujësjellës e makineri nga rajoni i Atikës.


MË SHUME NGA Rajoni dhe Bota