Sulm me motive raciste në SHBA, katër të vdekur
BKT
Rajoni dhe Bota

Sulm me motive raciste në SHBA, katër të vdekur

Përgatiti: Dardan Ramabaja /RTK

Një person i armatosur ka vrarë tre njerëz dhe veten në një sulm me motive racore në Floridë të SHBA-së.

Një burrë i bardhë i armatosur rëndë vrau tre persona me ngjyre në një dyqan në Jacksonville të Floridës, të shtunën, përpara se të qëllonte veten, në atë që autoritetet i lokale e përshkruan si një krim me motive racore.

"Të shtënat ishin me motive racore, ai i urrente njerëzit me ngjyrë," ka thënë Sherifi i Jacksonville në një konferencë për media.

I dyshuari, të cilin sherifi T K Waters e përshkroi si një burrë të bardhë i veshur me një jelek taktik, nuk u identifikua. Waters tha se tri viktimat ishin dy burra dhe një grua me ngjyrë.

Waters tha se autoritetet besonin se vrasësi veproi i vetëm dhe se para të shtënave ai kishte shkruar "disa manifeste" për mediat, prindërit e tij dhe forcat e rendit ku detajohej urrejtje e tij për njerëzit me ngjyrë.

Sipas sherifit armët e tij ishin një revole ?Glock? dhe një pushkë gjysëm-automatike "AR-15", me svastika mbi të.

Ai tha se vrasësi u pa në një kolegj lokal historikisht i frekuentuar nga personat me ngjyrë, Universiteti Edward Waters, ku veshi jelekun e tij dhe një maskë përpara se të shkonte në degën lokale të Dollar General, që është një zinxhir dyqnesh me zbritje në të gjithë Shtetet e Bashkuara.

Të shtënat në masë janë bërë të zakonshme në SHBA, me më shumë se 469 deri më tani në vitin 2023, sipas Arkivit të Dhunës me Armë.


MË SHUME NGA Rajoni dhe Bota