Wolves e befason Cityn
BKT
Sport

Wolves e befason Cityn

Uran Krasniqi / RTKLive

Wolverhampton Wanderers ka bërë befasinë e javës në Premier League. Ka arritur ta mposhtë kampionin në fuqi, Manchester Cityn.

Ndeshja e zhvilluar në "Molineux Stadium" është mbyllur me rezultat 2-1. 

City e ka poseduar topin, por Wolves ka shfrytëzuar rastet e krijuara. 

Vendasit kanë kaluar në epërsi me autogolin e Dias në minutën e trembëdhjetë.

Me këtë rezultat edhe është mbyllur pjesa e parë.

Në pjesën e dytë City ka arritur ta gjejë golin e barazimit me Alvarez në minutën e pesëdhjetë e tetë.

Por gëzimi i Cityt ka qenë jetëshkurtër. Pas vetëm tetë minutash Hwang Hee Chan ka kaluar sërish skuadrën vendase në epërsi.

City është munduar të kthehet në lojë, ku Alvarez e Ake kanë pasur disa raste, mirëpo pa mundur ta thyejnë Wolves. 

Edhe pas kësaj humbje City mbetet në pozitën e parë me tetëmbëdhjetë pikë, por skuadra e Pep Guardiolas nuk arriti ta realizonte edhe fitoren e shtatë rresht.