Roma fiton thellë nga Servette
BKT
Sport

Roma fiton thellë nga Servette

Uran Krasniqi / RTKLive

Katër gola të shënuar dhe një portë e paprekur nga kundërshtari. Kështu mund të përshkruhet nata e të enjtes për skuadrën e Romës në Europa League. 

Skuadra e drejtuar nga portugezi i njohur Jose Mourinho ka triumfuar 4-0 kundër skuadrës zvicerane, Servette. 

Mysafirët e kanë nisur ndeshjen më mirë, por nuk kanë qenë në gjendje që të konkretizojnë. 

Zgjimi i Romës ka ardhur pas njëzet minutash. 

Ka qenë belgu Lukaku (21') ai i cili e ka gjetur rrjetën për romakët, që deri në atë moment nuk po e gjenin lojën e tyre. 

Pjesa e parë është mbyllur me avantazh minimal. 

Ka qenë pjesa e dytë ajo kur Roma ka shkëlqyer më shumë. 

Belotti (46', 59'), Pellegrini (52') kanë realizuar edhe plot tri herë, duke vulosur rezultatin përfundimtar të ndeshjes përballë zviceranëve që nuk e kanë gjetur golin e nderit. 

Pas kësaj ndeshje Grupi G bashkëkryesohet nga Slavia e Pragës dhe nga Roma, ku skuadra çeke e bën dallimin ne golaverazh më të mirë.