21:31 / 02.12.2023
Trepça fiton në Gjakovë
Uran Krasniqi/RTKLive
Trepça ka dalur fitues nga përballja me Vëllaznimin në Gjakovë.
Ndeshja është mbyllur me shifrat 82:89 (21:28, 21:28, 16:20, 24:13).
Që nga fillimi mysafirët kanë krijuar diferencë dhe ia kanë dalë ta ruajnë atë deri në fund pavarësisht përpjekjes së vendasve për t'u rikthyer.
Më i dalluari te vendasit ishte Samuel Sessoms me 20 pikë, pesë kërcime e nëntë asistime, kurse te Trepça u dalluan Jordy Tshimanga me 20 pikë e nëntë kërcime dhe Driton Hajrizi me 15 pikë e dhjetë kërcime.























