20:52 / 02.03.2024
Allegri për dënimin e Pogba: Futbolli pa një talent të jashtëzakonshëm
Uran Krasniqi/RTKLive
Trajneri i Juventusit, Massimiliano Allegri, ka shprehur zhgënjimin e tij për dënimin e Paul Pogba, duke thënë se futbolli ka humbur një talent të jashtëzakonshëm.
Pogba u dënua për katër vjet nga gjykata anti-doping e Italisë të enjten, pasi doli pozitiv në test.
“Është shumë e trishtueshme si në nivel njerëzor ashtu edhe për futbollin, pasi po humbasim një lojtar të jashtëzakonshëm”, u ka thënë Allegri gazetarëve përpara ndeshjes së Juves në Serie A në Napoli të dielën. “Kam pasur fatin të punoj me të, ta trajnoj dhe është shumë e vështirë të gjesh lojtarë si ai... Ai është një djalë fantastik”.























