12:38 / 21.03.2024
Sulm me zjarr në ambasadën izraelite në Hagë
Muharrem Miftari/RTKlive
Ambasada izraelite në Hagë është sulmuar me një “objekt të zjarrtë”. Sulmi ndodhi të enjten, në orën 10:50.
Kordonë të mëdhenj të forcave të sigurisë janë vendosur rreth zonës së ambasadës dhe, sipas 'De Telegraaf', policia dhe ushtria janë në vendin e ngjarjes, transmeton RTKlive.
Një i dyshuar është arrestuar, shkruan policia në Hagë, në platformën “X”.
Stafi i ambasadës ishte në gjendje të evakuonte ndërtesën dhe nuk raportohet për të lënduar.
Sipas AD, një objekt i dyshimtë është kontrolluar nga skuadrat e bombave.























