Komuniteti ndërkombëtar dënon sulmin terrorist në Moskë
Hanife Osmani| RTK
Për sulmin në Moskë reagime të shumta pati nga e gjithë bota. Sekretari i Përgjithshëm i Kombeve të Bashkuara Antonio Guterres ka thënë se grupi i Shtetit Islamik është një “kërcënim shumë serioz për të gjithë ne.
Shefi i politikës së BE-së, Josep Borrell, dënoi sulmin duke thënë se terrorizmi ka shënjestruar përsëri njerëzit e pambrojtur. Presidentja e Komisionit të BE-së, Ursula von der Leyen, dhe zyrtarë të NATO-s kanë dënuar fuqishëm sulmin kundër civilëve nga Shteti Islamik në një postim në platformën X, ish-twitter.
Kryeministri i Polonisë, Donald Tusk, tha se shpreson se kjo tragjedi e tmerrshme nuk do të bëhet pretekst për askënd që të përshkallëzojë dhunën dhe agresionin. Edhe lideri turk Rexhep Tajip Erdogan dënoi sulmin dhe dërgoi ngushëllim popullit dhe qeverisë ruse.























