Të paktën 29 persona kanë humbur jetën nga zjarri në një klub nate në Turqi
Dardan Ramabaja/ RTK
Dhjetëra persona kanë humbur jetën dhe një është plagosur nga zjarri në një klub nate në Turqi. Klubi Masquerade, në bodrumin e një ndërtese të lartë në Stamboll, ishte mbyllur dhe po rinovohej gjatë ditës, ndërsa zjarri shpërtheu pak pas mesditës, njofton guvernatori i Stambollit Davut Gül, duke shtuar se shkaku ishte i paqartë.
Sipas tij viktimat e zjarrit mendohet se kanë qenë të përfshirë në punën e rinovimit. Pesë persona janë arrestuar në lidhje me zjarrin ndërsa hetimet vazhdojnë.
Ata përfshijnë tre zyrtarë të vendit të punës, menaxherin e klubit të natës dhe menaxherin e rinovimeve.
Zjarrfikësit dhe reaguesit e tjerë të parë rrethuan hyrjen e djegur dhe të tymosur të klubit, i cili zë dy kate nën një ndërtesë banimi 16-katëshe në lagjen Gayrettepe të qytetit.
Numri i viktimave është rritur me shpejtësi gjatë gjithë pasdites, me zyrën e guvernatorit lëshuar një sërë përditësimesh.
Kryetari i sapozgjedhur i Stambollit, Ekrem Imamoglu, ka shprehur ngushëllimet e tij në rrjetet sociale.
Ndërsa Presidenti i Turqisë, Recep Tayyip Erdogan, është vënë në dijeni të tragjedisë pas një telefonate me ministrin e brendshëm Ali Yerlikaya.























