Klipet filmike 15-vjeçare u përhapën pas demonstratës së Eurovizionit
Muharrem Miftari/RTKlive
Dita e djeshme u shënua nga protestat e Eurovizionit në Malmö. Tani pas demonstratës po përhapet dezinformata. Një klip 15-vjeçar që pretendon të tregojë protestat e djeshme po qarkullon në internet.
Policia ka paralajmëruar kundër përhapjes së dezinformatave dhe imazheve false gjatë Eurovizionit në Malmö. Tani vetëm kjo po përhapet në rrjetet sociale.
P4 ‘Malmöhus’ (salla ku po mbahet ‘Eurovizioni, v.j.) raporton se skena të dhunshme të protestuesve të maskuar që sulmojnë automjetet e policisë po qarkullojnë dhe dyshohet se janë nga protestat e djeshme të Eurovizionit në Malmö.
Por pamjet janë 15 vjeçare dhe tregojnë trazira të lidhura me kohën kur Izraeli luajti një ndeshje tenisi në David Cup kundër Suedisë në Malmö në vitin 2009.
“Duhet të jesh kritik ndaj burimit kur shikon klipe që ngjallin emocione të forta. Por mund të themi se klipi është i vjetër i vitit 2009 dhe nuk ka lidhje me demonstratën e djeshme", tha Filip Annas në rajonin e policisë në jug për mediet suedeze, transmeton RTKLive.
Policia tani po i kërkon publikut të kontaktojë nëse ka marrë informacione që dyshon se mund të jenë të pasakta.
“Kjo u përjashtua shumë shpejt, ndaj jemi mirënjohës për këtë”, tha Filip Annas.
Demonstrata e djeshme në Malmö ka shkuar në mënyrë paqësore, sipas policisë dhe mbi 10 mijë persona protestuan kundër pjesëmarrjes së Izraelit në ‘Eurovizion’.
Policia ka paralajmëruar më parë se përhapja e thashethemeve është një nga kërcënimet më të mëdha gjatë ‘Eurovizionit’.
“Suedia është një objektiv për ndikimin e informacionit ku përhapen thashetheme të rreme dhe lajme të pasakta. Prandaj, jini të vetëdijshëm për thashethemet dhe propagandën që mund të shfaqen në lidhje me Eurovision Song Contest. Jini veçanërisht vigjilentë ndaj informacioneve që shqetësojnë, frikësojnë dhe krijojnë emocione të forta”, shkruan policia në faqen e saj të internetit.























