Rritet numri i të vdekurve pas sulmeve izraelite në Rafah
M.Miftari/RTKlive
Të paktën 35 persona u vranë në sulmin ajror izraelit në një kamp tendë jashtë Rafah-ut, në Gazën Jugore të dielën në mbrëmje.
Sipas organizatës palestineze të ndihmës 'Gjysmëhëna e Kuqe', sulmi kishte për qëllim një kamp tende për refugjatët, të përcaktuar si një zonë humanitare, njoftojnë mediet e huaja.
Ushtria izraelite tha se sulmet ajrore u kryen kundër objektivave të Hamasit në Rafah.
Izraeli thotë se është i vetëdijshëm për raportet se sulmet dhe zjarri kanë lënduar civilë, por në të njëjtën kohë thotë se bastisjet janë kryer "në përputhje me ligjin ndërkombëtar" dhe se ato u kryen pas inteligjencës që tregonte se zona po përdorej nga Hamasi.
Raportet për sulmin izraelit erdhën disa orë pasi Hamasi lëshoi raketa në Tel Aviv, ndërsa kabineti i luftës i Izraelit u mblodh për të diskutuar për zhvillimet në Gaza.























