19:39 / 11.09.2024
Norvegjia vendos të heqë kufizimet e industrisë së mbrojtjes ndaj Turqisë
A.B| RTKlive
Ministria e Jashtme e Turqisë njoftoi se Norvegjia ka vendosur të heqë kufizimet për industrinë e mbrojtjes që vendosi në zbatim kundër Turqisë në vitin 2019.
Zëdhënësi i Ministrisë së Jashtme, Öncü Keçeli në një postim nga llogaria e tij X, tha se ministri i Jashtëm, Hakan Fidan zhvilloi bisedë telefonike me ministrin e Jashtëm norvegjez, Espen Barth Eide.
"Ministri i jashtëm norvegjez, Espen Barth Eide tha se kanë vendosur të heqin kufizimet për industrinë e mbrojtjes që Norvegjia vendosi në zbatim kundër Turqisë në vitin 2019", deklaroi Keçeli.
Ai tha se ministri Fidan ishte i kënaqur nga vendimi dhe se kufizime të tilla nuk janë në përputhje me frymën e aleancës, raporton Anadolu.























