Uragani ‘Helene’ kalon nga Florida në Gjeorgji
Flutura Bekqeli / RTK
Uragani "Helene", pas përfshirjes së Floridës, tani po kalon nëpër shtete të tjera. Ky uragan konsiderohet si një nga stuhitë më të mëdha në Gjirin e Meksikës në shekullin e fundit.
Uragani “Helene” arriti në Florida si një stuhi e kategorisë 4 dhe tani është një stuhi e kategorisë 1. Helene është uragani më i fortë i regjistruar që ka goditur Big Bend të Floridës. Helene është një nga stuhitë më të mëdha në Gjirin e Meksikës e shekullit te fundit, me një fushë ere që mund të përfshijë afërsisht distancën midis Indianapolis dhe Uashington, DC. Paralajmërimet janë në fuqi për 60 milionë njerëz në 12 shtete.
Shërbimi Kombëtar i Motit ka paralajmëruar për një stuhi "të pambijetueshme" në Gjirin Apalachee. Janë shënuar të paktën tre vdekje të lidhura me stuhinë. Dëmet katastrofike të erës nga stuhia mund të shkaktojnë ndërprerje të energjisë elektrike që "ka gjasa të zgjasin ditë, nëse jo javë". “Helene” ka nxitur gjithashtu mbylljen e shkollave dhe bizneseve, si dhe anulimin e fluturimeve. Ndërsa arriti në tokë të enjten mbrëma, “Helene” ishte stuhia më e fortë e regjistruar që goditi Big Bend të Floridës.
Stuhia do të vazhdojë të lëshojë stuhi kërcënuese për jetën, reshje shiu përmbytjesh dhe erëra shkatërruese. Ajo ka çuar në të paktën tre vdekje, ka rrëzuar linjat e energjisë elektrike dhe ka lënë më shumë se 1.5 milionë në errësirë, e ka bërë udhëtimin të rrezikshëm pasi rrugët janë përmbytur me ujë dhe ka ndërprerë shërbimet e urgjencës në disa qarqe. “Helene” ka lëvizur me një ritëm mjaft të shpejtë - rreth 38 kilometra ne ore - në veri-verilindje me syrin e stuhisë tani mbi shtetin e Xhorxhias.
Erërat e dëmshme do të ndihen në të gjithë Gjeorgjinë dhe Karolinat gjatë të premtes, veçanërisht në terrenin më të lartë të Apalachëve Jugore.
Me deri në 500 mm shi që priten në disa pjesë të Gjeorgjisë dhe Karolinës së Jugut, përmbytjet dhe rrëshqitjet e dheut do të jenë shqetësimi kryesor larg zonave bregdetare gjatë 24 orëve të ardhshme.























