14:03 / 27.09.2024
Sulmi në Odessa, paralajmërohen edhe banorët e Rumanisë për strehim
M.Miftari/RTKlive
Tre persona thuhet se janë vrarë dhe mbi dhjetë janë plagosur në një sulm me dron rus në qytetin e portit detar, Izmajil, në rajonin ukrainas të Odessa-s.
Izmajil ndodhet pranë Danubit në Ukrainën jugperëndimore, afër kufirit me Rumaninë, shtet anëtare e NATO-s.
Gjatë sulmit, një dron rus dyshohet se kishte kaluar mbi hapësirën ajrore rumune, sipas Ministrisë së Mbrojtjes në Bukuresht, transmetojnë mediet e huaja.
Për këtë shkak, avionë luftarakë rumunë dhe spanjollë u ngritën në ajër duke u kërkuar banorëve të qytetit rumun të Tulcea që të strehohen.























