India dhe Pakistani me akuza të ndërsjella për sulmet me raketa
BKT
Foto: AFP
Rajoni dhe Bota

India dhe Pakistani me akuza të ndërsjella për sulmet me raketa

Flutura Bekqeli /RTK

Konfrontimi ndërmjet Indisë dhe Pakistanit u përshkallëzua më tej të shtunën, pasi Islamabadi nisi një operacion ushtarak hakmarrës ndaj sulmeve indiane në bazat e tij ushtarake gjatë natës.

Ushtria e Indisë tha se u kundërpërgjigj në mënyrë efektive ndaj operacionit ushtarak të Pakistanit. Tensioni i shtuar midis shteteve fqinje u ndez nga masakra e turistëve muajin e kaluar në Kashmirin e kontrolluar nga Indianët.

Më parë këtë javë, India goditi objektiva në Pakistan dhe Kashmirin e administruar nga Pakistani në përgjigje të një të sulmit vdekjeprurës militant në Pahalgam muajin e kaluar, për çka Islamabadi e ka mohuar përfshirjen.

India thotë se Pakistani përdori raketa për të shënjestruar bazat e saj, disa orë pasi Pakistani akuzoi Indinë se qëlloi në tre nga bazat e saj ajrore ushtarake.

Ushtria e Indisë akuzon Pakistanin se është duke e përshkallëzuar dhe provokuar situatën, ndërsa ushtria e Pakistanit pretendon se ka shkatërruar sistemet e mbrojtjes S-400 të Indisë - diçka që Delhi e mohon.

Të dyja palët akuzojnë njëra-tjetrën për bombardime ndërkufitare dhe sulme me raketa dhe dronë që kur India filloi operacionin e saj ushtarak. Kashmiri i administruar nga India ka parë një kryengritje prej dekadash që ka marrë mijëra jetë. India dhe Pakistani pretendojnë plotësisht Kashmirin.

Kryediplomati i Uashingtonit, Marco Rubio, ofroi ndërmjetësimin e SHBA-së në konfliktin në përshkallëzim, ndërsa ka biseduar ndarazi me homologët e tij në të dy vendet, sipas  Departamentit amerikan të Shtetit.

Fqinjët e armatosur me armë bërthamore tani janë të bllokuar në konfliktin e tyre ushtarak më të tensionuar në dekada, edhe pse komuniteti ndërkombëtar po bën thirrje për qetësi dhe  përmbajtje.


MË SHUME NGA Rajoni dhe Bota