Vazhdon stërvitja e përbashkët strategjike Rusi-Bjellorusi
BKT
Rajoni dhe Bota

Vazhdon stërvitja e përbashkët strategjike Rusi-Bjellorusi

Dardan Ramabaja / RTK

Ministria Ruse e Mbrojtjes tregoi të hënën pamje që tregonin aeroplanët e saj luftarakë MIG-31 që bashkoheshin me patrullat Tu-22M3 mbi ujërat neutrale të Detit Barents.

Gjithashtu, në Detin Baltik u zhvillua një stërvitje për të sprapsur sulmet nga anijet armike pa pilot.

Stërvitja ka përfshirë mbi 10 anije dhe 10 barka luftarake, si dhe mbi 500 ushtarakë të Flotës Baltike", thuhet në përshkrimin e videos.

Përveç kësaj, në rajonin e Kaliningradit, njësitë detare të Flotës Baltike përfunduan detyrat bregdetare të mbrojtjes kundër uljes.

Stërvitjet e përbashkëta ushtarake që do të zgjasin deri më 16 shtator, vijnë në një kohë tensionesh të larta me NATO-n pasi kur dronët rusë shkelën hapësirat ajrore të Polonisë dhe Rumanisë, të dyja anëtare të aleancës veriatlantike dhe BE-së.

Shefja e politikës së jashtme të BE-së, Kaja Kallas, e quajti incidentin e fundit "një tjetër shkelje të papranueshme të sovranitetit të një shteti anëtar të BE-së".

Edhe Presidenti amerikan Donald Trump, ka folur gjithashtu për shkeljen e hapësirës ajrore më parë këtë javë, duke thënë se ishte gati të vendoste sanksione më të ashpra ndaj Rusisë, por vetëm nëse vendet e NATO-s përmbushnin kushte të caktuara, të tilla si ndalimi i blerjes së naftës ruse.


MË SHUME NGA Rajoni dhe Bota