Pas Yildiz, Juve rinovon kontratën edhe me McKennie
BKT
Sport

Pas Yildiz, Juve rinovon kontratën edhe me McKennie

Fatmir Bytyqi/RTKLive

Pas zyrtarizimit të rinovimit të kontratës me Kenan Yıldız deri në vitin 2030, Juventus është shumë pranë zgjatjes së bashkëpunimit edhe me Weston McKennie.

Mesfushorit amerikan i skadon kontrata aktuale në muajin qershor, por drejtuesit bardhezi e kanë gati marrëveshjen e re.

Në një moment të vështirë sa i përket rezultateve – me tri humbje radhazi në kampionat dhe Kupë – klubi torinez duket se po mendon për stabilitetin dhe projektin afatgjatë.

Për rinovimin me McKennie mungon vetëm zyrtarizimi. 25-vjeçari vlerësohet për fleksibilitetin dhe kontributin që jep në disa role në mesfushë, ndërsa stafi teknik është i bindur për rëndësinë e tij në skuadër. Gjatë javës së ardhshme pritet që marrëveshja të formalizohet.

Kontrata e re do ta lidhë amerikanin me Juventusin deri në vitin 2030, me një pagë që pritet të kalojë 4 milionë euro në sezon, përfshirë bonuset.

Rinovimi me McKennie përfaqëson një kapitull të ri në një histori që në të kaluarën është dukur disa herë pranë përfundimit.

Tashmë, me firmën e re, mesfushori amerikan konfirmohet si pjesë e rëndësishme e projektit bardhezi për vitet në vijim.