Pas arritjes së armëpushimit SHBA-Iran, bien çmimet e naftës
BKT
Rajoni dhe Bota

Pas arritjes së armëpushimit SHBA-Iran, bien çmimet e naftës

Flutura Bekqeli / RTK

Çmimi i naftës së papërpunuar ra me rreth 13% në 94.80 dollarë për fuçi, ndërsa nafta e tregtuar në SHBA ishte më shumë se 15% më e ulët në 95.75 dollarë.

Por çmimet e naftës mbeten më të larta se para fillimit të konfliktit më 28 shkurt.

Në atë kohë, ajo tregtohej me rreth 70 dollarë për fuçi. Kostoja e energjisë është rritur ndërsa furnizimet me naftë dhe gaz nga Lindja e Mesme janë ndërprerë rëndë pasi Irani kërcënoi të sulmonte anijet që përpiqeshin të përdornin ngushticën në hakmarrje ndaj sulmeve ajrore të SHBA-së dhe Izraelit. Tregjet e aksioneve në Evropë u hapen më lart pas rritjeve të ndjeshme në Azi.

Presidenti amerikan, Trump tha se pajtohet të pezulloj bombardimet dhe sulmin ndaj Iranit për një periudhë prej dy javësh... me kusht që Irani të hapë menjëherë Ngushticën e Hormuzit".

Ministri i Jashtëm iranian, Abbas Araghchi, tha se Teherani do të bjerë dakord për një armëpushim "nëse sulmet kundër Iranit ndalen", duke shtuar se kalimi I sigurt përmes Ngushticës së Hormuzit "do të jetë i mundur".

Më shumë anije cisternash nafte të bllokuara pranë ngushticës mund të jenë në gjendje të kalojnë gjatë armëpushimit, duke ofruar njëfarë lehtësimi për tregjet në javët e ardhshme, thonë analistet.

Pavarësisht konfliktit, disa anije kanë kaluar nëpër Ngushticën e Hormuzit, megjithëse shumë më pak se zakonisht. Vendet aziatike - përfshirë Indinë, Malajzinë dhe Filipinet - kanë negociuar kalim të sigurt për anijet e tyre në javët e fundit.

Kina ka pranuar gjithashtu se disa nga anijet e saj kanë kaluar ngushticën që nga fillimi i luftës Azia është goditur veçanërisht rëndë nga pasojat ekonomike të luftës së Iranit, pasi shumë vende varen shumë nga energjia nga Gjiri. Qeveritë dhe kompanitë në të gjithë rajonin kanë njoftuar masa në javët e fundit për t'u marrë me çmimet e larta të energjisë dhe mungesat e karburantit.


MË SHUME NGA Rajoni dhe Bota