Trump thotë se do të zgjasë armëpushimin me Iranin
Gentiana Kelmendi/RTKlive
Presidenti amerikan Donald Trump ka deklaruar se do të zgjasë armëpushimin me Iranin deri në momentin kur Teherani të paraqesë një propozim për përfundimin e përhershëm të konfliktit.
“Duke pasur parasysh faktin se qeveria e Iranit është seriozisht e përçarë, jo krejtësisht e papritur, dhe me kërkesë të Field Marshal Asim Munir dhe kryeministrit Shehbaz Sharif të Pakistanit, jemi kërkuar të ndalim sulmin tonë ndaj Iranit deri në momentin kur udhëheqësit dhe përfaqësuesit e tij të paraqesin një propozim të unifikuar,” ka shkruar Trump në Truth Social.
Ai ka shtuar se i ka urdhëruar ushtrisë amerikane të “vazhdojë bllokadën dhe në të gjitha aspektet e tjera të mbetet e gatshme dhe në gjendje veprimi”.
Sipas tij, armëpushimi, i cili ishte planifikuar të skadonte në orët në vijim, “do të zgjatet deri në momentin kur të dorëzohet propozimi dhe të përfundojnë diskutimet, në një mënyrë apo tjetër.”























