Trump: Marrëveshja me Iranin përfshin rihapjen e Hormuzit
BKT
Rajoni dhe Bota

Trump: Marrëveshja me Iranin përfshin rihapjen e Hormuzit

Sh.Ç/RTKlive

Shtetet e Bashkuara janë pranë një marrëveshjeje paraprake me Teheranin në përpjekjet për t`i dhënë fund luftës me Iranin dhe për të rihapur Ngushticën e Hormuzit, tha të shtunën Presidenti i SHBA-së Donald Trump.

Marrëveshja është "kryesisht" e negociuar, shkroi Trump në platformën e tij Truth Social. "Aspektet dhe detajet përfundimtare të marrëveshjes po diskutohen aktualisht dhe do të shpallen së shpejti", shtoi ai.

Megjithatë, një zëdhënës ushtarak iranian theksoi në Xu se Teherani do të vazhdojë të kontrollojë Ngushticën e Hormuzit edhe në rast të një marrëveshjeje me Shtetet e Bashkuara.

Ngushtica, e cila është thelbësore për tregtinë globale të naftës dhe gazit, do të mbetet "nën kontrollin dhe sovranitetin e plotë iranian", tha zëdhënësi.

Agjencia e lajmeve Fars e Iranit raportoi se Irani kishte rënë dakord të rriste numrin e anijeve që kalojnë nëpër ngushticë në nivelet e para luftës. Megjithatë, kjo nuk do të thotë një kthim në "kalimin e lirë" si para luftës, tha ajo.

Menaxhimi i ngushticës dhe lëshimi i lejeve do të kryheshin ende nga Republika Islamike e Iranit, raportoi Fars. Prandaj, pretendimi i Trump është "i paplotë dhe nuk pasqyron realitetin", tha agjencia.


MË SHUME NGA Rajoni dhe Bota