Irani njofton pezullimin e sulmeve ndaj Izraelit
G.K/RTKlive
Komanda e përbashkët e ushtrisë iraniane ka njoftuar “pezullimin” e sulmeve ndaj Izraelit, në një kohë kur në Lindjen e Mesme po vazhdojnë përplasjet ushtarake mes dy vendeve.
Izraeli ka kryer sulme ajrore në Iranin qendror dhe perëndimor në orët e para të së hënës, në përgjigje të raketave të lëshuara nga Teherani, në një përshkallëzim të ri të konfliktit pas një armëpushimi të mëparshëm.
Presidenti i SHBA-së Donald Trump ka deklaruar se Izraeli dhe Irani duhet menjëherë të ndalojnë sulmet, duke kërkuar ndërprerjen e luftimeve.
Autoritetet iraniane kanë fajësuar SHBA-në për rifillimin e përplasjeve, duke thënë se veprimet e Izraelit nuk mund të ndahen nga politikat amerikane.
Forcat e Mbrojtjes së Izraelit (IDF) kanë bërë të ditur se kanë kryer sulme ndaj objektivave ushtarake iraniane dhe kanë interceptuar raketa të lëshuara nga Irani.
Teherani ka raportuar shpërthime në disa qytete, përfshirë Teheranin, Isfahanin, Karajn dhe Tabrizin, ndërsa ka mbyllur edhe hapësirën ajrore mbi aeroportin kryesor të kryeqytetit.
Irani ka deklaruar se çdo marrëveshje për përfundimin e konfliktit duhet të përfshijë edhe ndalimin e luftës në Liban, ku Izraeli po zhvillon operacione ushtarake kundër Hezbollahut.
Konflikti mes dy vendeve ka përfshirë edhe sulme me raketa dhe kundërsulme, ndërsa të dyja palët kanë paralajmëruar vazhdim të përplasjeve në rast të sulmeve të reja. / Burimi: EuroNews























