12 të vdekur në SHBA pas rrëzimit të një avioni, hetohen shkaqet
BKT
Rajoni dhe Bota

12 të vdekur në SHBA pas rrëzimit të një avioni, hetohen shkaqet

B.H./RTKlive

Të paktën 12 persona kanë humbur jetën pas rrëzimit të një avioni në shtetin amerikan të Misurit, raportojnë mediat amerikane.

Sipas këtyre raportimeve, avioni është rrëzuar në një zonë të banuar, në afërsi të një aeroporti lokal, ndërsa ekipet e emergjencës kanë dalë menjëherë në vendin e ngjarjes.

Autoritetet amerikane të aviacionit kanë nisur hetimet për të përcaktuar shkaqet e aksidentit, të cilat mbeten ende të paqarta.

Sipas drejtorit të menaxhimit të emergjencave në qarkun Bates, Dennis Jacobs, avioni i operuar nga një kompani lokale, nuk arriti të ngrihej mjaftueshëm në ajër pas ngritjes, duke humbur kontrollin.

Më pas, ai bëri një kthesë të papritur dhe u përplas në tokë me një kënd të pjerrët.

As piloti dhe as 11 pasagjerët nuk arritën të mbijetonin. Ata ndodheshin në një fluturim – ku do të kalonin pasditen duke u hedhur me parashutë.

Ekipet e kërkim-shpëtimit dhe zjarrfikësit kanë punuar gjatë gjithë natës për të siguruar zonën dhe për të ndihmuar në menaxhimin e pasojave të aksidentit.

Ndërkohë, pritet që autoritetet federale të publikojnë më shumë detaje në ditët në vijim, përfshirë identitetin e viktimave dhe rrethanat e plota të ngjarjes.


MË SHUME NGA Rajoni dhe Bota