Ambasadori amerikan në NATO: Putini mund të shkojë përtej Ukrainës
BKT
Foto: Getty Images
Rajoni dhe Bota

Ambasadori amerikan në NATO: Putini mund të shkojë përtej Ukrainës

G,K/RTKlive

Ambasadori i SHBA-së në NATO, Matthew Whitaker, ka paralajmëruar se presidenti rus Vladimir Putin mund të shkojë përtej Ukrainës, duke thënë se deklaratat e tij të fundit nuk lënë vend për optimizëm.

Sipas Whitaker, Ukraina duhet të jetë në gjendje të mbrohet për aq kohë sa të jetë e nevojshme, derisa luftës t’i jepet fund.

Ai tha se në afat të shkurtër rreziku që Rusia të sulmojë NATO-n është i ulët, pasi Rusia është e përfshirë në luftën në Ukrainë, por Uashingtoni nuk e përjashton plotësisht një skenar të tillë.

“Pushtimi rus i Ukrainës dhe aneksimi i mëhershëm i Krimesë na bëjnë të besojmë se Rusia mund të jetë e paparashikueshme dhe mund të jetë e gatshme të ndërmarrë veprime kundër një vendi të NATO-s”, tha Whitaker. 


MË SHUME NGA Rajoni dhe Bota