21:03 / 11.09.2026
Mujanoviç: Zgjedhjet në Serbi nuk do të jenë të lira e të drejta
A.B/RTKLive
Analisti politik Jasmin Mujanoviç ka deklaruar se zgjedhjet e ardhshme në Serbi nuk do të jenë të lira dhe të drejta dhe se nuk pret ndryshim të pushtetit.
Sipas tij, presidenti serb Aleksandar Vuçiç do ta “marrë peng” procesin demokratik, ndërsa pyetja kryesore është se çfarë pasojash do të jenë të gatshme të vendosin SHBA-ja dhe Bashkimi Evropian ndaj tij.
“Zgjedhjet në Serbi nuk do të jenë të lira dhe as të drejta. Nuk do të ketë ndryshim të qeverisë. Pyetja nuk është nëse Vuçiçi do ta rrëmbejë procesin demokratik, sepse do ta bëjë, por çfarë pasojash janë të gatshme t’i vendosin SHBA-ja dhe BE-ja?”, ka shkruar në X Mujanoviç.























