G7 do të nxjerrë në treg rezervat e naftës
Flutura Bekqeli/RTK
G7 ka njoftuar se 100 milionë fuçi nafte nga rezervat e tyre do të lirohen për të lehtësuar shqetësimet e furnizimit që kanë shkaktuar rritjen marramendëse të çmimeve.
Grupi i ekonomive të përparuara, përfshirë SHBA-në, tha se masa do të fillonte menjëherë dhe do të zgjaste për katër muaj. Kjo përfshin një "lirim të konsiderueshëm" të naftës brenda 20 ditëve, me diskutime rreth "lirimit shtesë të naftës sipas nevojës", thanë udhëheqësit e G7.
Sipas masave, të cilat vijnë pasi Presidenti i SHBA-së Donald Trump kishte kërcënuar të ndalonte eksportet e naftës, nuk do të ketë asnjë "kufizim eksporti për energjinë dhe produktet e energjisë" midis anëtarëve të G7.
Trump kishte paralajmëruar se do të ndalonte eksportet e naftës nga SHBA-ja nëse vendet
evropiane nuk do të bien dakord të vendosnin më shumë nga rezervat e tyre në treg. Kjo do të
kishte lehtësuar presionin mbi çmimet për konsumatorët amerikanë përpara zgjedhjeve të mesit të mandatit të nëntorit, por do të kishte rritur çmimet diku tjetër.
Pas takimi të liderëve të G7-ës, presidenti francez Emmanuel Macron deklaroi se blloku kishte rënë dakord të lironte rezerva prej "deri në 100 milionë fuçish" brenda katër muajve, nën koordinimin e Agjencisë Ndërkombëtare të Energjisë. 100 milionë fuçitë do të përbëhen nga një përzierje nafte dhe nafte bruto. Çmimi i naftës së papërpunuar Brent, standardi global i naftës, ra për pak kohë nën 100 dollarë për fuçi, por u rrit përsëri në rreth 102 dollarë deri të premten në mbrëmje. Para luftës SHBA- Iran ajo tregtohej me rreth 73 dollarë.
Furnizimet me naftë në nivel ndërkombëtar janë kufizuar shumë nga konflikti në Lindjen e Mesme, i cili ka kufizuar rrjedhën si të naftës bruto ashtu edhe të naftës së rafinuar në tregjet globale.
Rusia, e cila është gjithashtu një prodhuese e madhe, ka zbatuar ndalimin e saj të eksportit të
naftës, pas sulmeve ndaj rafinerive të saj nga Ukraina, duke kufizuar më tej furnizimin. Udhëheqësit e G7 theksuan se do të mbajnë sanksionet kundër Rusisë mes luftës së saj të vazhdueshme në Ukrainë.
Nafta është më e vështirë për t'u rafinuar sesa benzina dhe, për shkak të përdorimit të saj në
industrinë e transportit dhe bujqësi, është shumë e vështirë të zvogëlohet kërkesa.























