Besa Famgas rikthehet te fitorja, triumfon bindshëm ndaj Vëllaznimit
BKT
Sport

Besa Famgas rikthehet te fitorja, triumfon bindshëm ndaj Vëllaznimit

F.B/RTKLive

Besa Famgas është rikthyer te fitoret në Superligën e Kosovës në hendboll, pasi e ka mposhtur Vëllaznimin e Gjakovës me rezultat bindës 41:28, në ndeshjen e vlefshme për javën e nëntë.

Përballja e zhvilluar të dielën mbrëma në palestrën “Karagaçi” në Pejë ishte nën dominimin e vendasve, të cilët krijuan epërsi të konsiderueshme që në pjesën e parë, të cilën e përfunduan me rezultat 23:16.

Besa vazhdoi me lojë të mirë edhe në pjesën e dytë, duke e ruajtur epërsinë dhe në fund duke siguruar fitore me 13 gola diferencë.

Yassine Henahen ishte më efikasi te skuadra pejanë me shtatë gola, ndërsa nga gjashtë realizuan Deniz Terziqi, Felippe Teixeira, Jon Vokshi dhe Ajan Muqolli.

Te Vëllaznimi më i dalluari ishte Mali Luzha me shtatë gola, ndërsa Ardi Halili, Granit Kadiri dhe Çlirim Rama kontribuuan me nga katër gola.

Pas kësaj fitoreje, Besa Famgas vazhdon të kryesojë tabelën me 14 pikë nga tetë ndeshje, ndërsa Vëllaznimi renditet në vendin e tretë me 10 pikë, po ashtu nga tetë ndeshje.