Prishtinasit e painteresuar të debatojnë me deputetë
BKT
Kosovë

Prishtinasit e painteresuar të debatojnë me deputetë

Qytetarët e Prishtinës e patën mundësinë sot që t’iu bëjnë pyetje deputetëve të Kuvendit të Kosovës nga gjitha partitë politike.

Përkundër kësaj, numër i vogël i kishin ardhur për të shfrytëzuar këtë mundësi.  Mos interesimi i kryeqytetasve bëri dallimet edhe vet mes  pozitës  dhe opozitës.

Këta të fundit thanë se duhet interesim më i madh i qytetarëve dhe vlerësim i punës së tyre, kurse nga ana e mazhorancës u shprehen se kjo ka ndodhur për shkak të punës së mirë të pushtetit.   

Edhe pse në numër të vogël, disa prej qytetarëve që ishin të pranishëm adresuan kritika ndaj mënyrës së qeverisjes dhe vet këtij formati, duke e cilësuar si fushatë elektorale.

Nevojën e debatit mes qytetarëve dhe deputetëve e theksoi deputetja nga radhët e LDK-së, Hykmete Bajrami, por tha se një kulturë e tillë e debatit po mungon.

Kritike ndaj mos interesimit të qytetarëve u shpreh edhe deputetja nga radhët e VV-së Fitore Pacolli, e  cila tha se puna e qytetarëve është që t’i mbajnë në kontroll deputetët dhe t’i vlerësojnë çdo ditë.  

Sipas saj, ka disa deputet ëtë kuvendit të Kosovës që nuk përfaqësojnë interesat e qytetarëve dhe qytetarët nuk po kërkojnë llogari.

Për të arsyetuar prezencën e vogël të qytetarëve, deputetja nga radhët e AAK-së, Teuta Haxhiu tha se qytetarët janë të kënaqur me punën e Qeverisë Haradinaj. 

Për numrin e vogël të pranishmëve u shpreh edhe Bedri Mehmeti i cili pati kritika edhe për vet deputetët duke e cilësuar këtë debat sikur fushatë elektorale të tyre.

17 vjeçari Art Mërkoja me tone të ashpra adresoi kritika ndaj institucioneve publike dhe deputetëve duke konsideruar se numri i madh i Ministrive, keqpërdorimet që po ndodhin sipas  tij po i bëjnë dëm shumë Kosovës.

 Pjesë e këtij diskutimi ishin edhe  Dardan Sejdiu i PSD-së dhe Blerta Deliu-Kodra e PDK-së të cilët potencuan se  duhet bashkëpunim më i madh ndërmjet qytetarëve dhe tyre.


MË SHUME NGA Kosovë