09:07 / 30.07.2019
Rekord botëror, mbillen 350 milion pemë në ditë
Etiopia ka mbjellë më shumë se 350 milion pemë në ditë, thonë zyrtarët, një shifër e cila besohet se është edhe rekord botëror.
Kryeministri Abiy Ahmed po udhëheq projektin, i cili ka për qëllim të rigjenerojë pyje të reja pas efekteve të shpyllëzimit dhe ndryshimeve klimatike në vendin e prirur ndaj thatësirës, transmeton TCH.
Disa zyra publike janë mbyllur për të lejuar nëpunësit e tyre të marrin pjesë në projektin e madh.
OKB thotë se mbulimi i pyjeve në Etiopi ra nga 35% e tokës totale në fillim të Shekullit 20 në pak më shumë se 4% në vitet 2000.























