15:44 / 21.08.2019
Nderohet për dialog ndërfetar
Kryetari i Gjilanit, Lutfi Haziri, ka nderuar me mirënjohje Don Dominik Skender Qerimin për kontributin në udhëheqjen e institucionit shkollor `Don Bosko", dhe për bashkëpunimin në kuadër të dialogut ndërfetar në Gjilan.
“Don Dominiku është shembulli i njeriut që suksesin e bartë në institucion dhe komunitet të Gjilanit, duke dhënë kontribut të jashtëzakonshëm në “Don Bosko”, por edhe në komunën e Gjilanit. E falënderoj dhe i uroj suksese edhe në të ardhmen”, ka thënë Haziri.
Drejtori i shkollës “Don Bosko”, Don Dominik Qerimi, e ka falënderuar kryetarin Haziri për mirënjohjen dhe bashkëpunimin e jashtëzakonshëm në disa fusha në të mirë të gjilanasve.























