14:15 / 25.09.2019
Kaçanik, fillon pajisja me inventarë në objektin e ri të çerdhes së qytetit
Pas përfundimit të punimeve, ka filluar pajisja me inventarë në objektin e ri të Çerdhes së Qytetit. Punimet përfundimtare që po realizohen në këtë projekt, i vizitoi nga afër Kryetari i Komunës Besim Ilazi së bashku me drejtorin për Arsim dhe Kulturë Zahir Doda.
Kryetari Ilazi tha se këto ambiente të bukura, tashmë i përkasin hapësirës së re të Çerdhes së Qytetit, e cila shumë shpejt do të jetë e gatshme që fëmijët tanë të kalojnë kohën në ambiente moderne dhe të sigurta.
Ky projekt është financuar nga Ministria e Arsimit, pas kërkesave të shumta të dërguara nga Komuna e Kaçanikut për ndërtimin e objektit të ri të Çerdhes së Qytetit.























