Podujevës i mungojnë mjetet për rritjen e pagave

Podujevës i mungojnë mjetet për rritjen e pagave

Komuna e Podujevës nuk ka mjete për t’i rritur pagat sipas Ligjit për paga, që pritet të hyjë në fuqi nga muaji dhjetor.

Rrjedhimisht, të punësuarit në sektorin publik në këtë komunë do t’i marrin pagat pa rritje.

Këtë çështje e ka ngritur në seancën e fundit të Kuvendit Komunal këshilltari i PDK-së, Rafet Llapashtica, shkruan sot “Koha Ditore”. Ai ka thënë se kjo mungesë e mjeteve që nevojitet për rritjen e pagave sipas ligjit, është për shkak të keqplanifikimit nga ana e zyrtarëve komunalë.

Këshilltari i PDK-së thotë se Komuna e Podujevës është në krizë financiare.

Edhe këshilltari i Lëvizjes Vetëvendosje, Bajram Ajeti, e ka quajtur keqplanifikim mungesën e mjeteve për paga.