12:02 / 26.11.2019
Çifti që fitoi në “EuroMillions” kanë vendosur të tregojnë se kush janë
Një çift që fitoi çmimin e parë prej 105 milionë funtesh në EuroMillions do të dalë në publik të martën.
Fituesit – të cilët janë përshkruar si një çift i palodhur pune nga zona e Chichester – “kapën” shumën e jashtëzakonshme në fillim të këtij muaji.
Kështu, siç shkruan DailyStar, të martën ata do të dalin në publik dhe do të tregojnë se si milionat kanë ndryshuar jetën e tyre përgjithmonë.
Çifti thuhet se fituan 105,100,701,90 funte në 25 vjetorin e shortit të parë të Lotarisë Kombëtare më 19 nëntor.
Siç bëhet e ditur tutje, britanikët kanë qenë me fat në këtë lojë, pasi që gjashtë britanikë kanë marrë para nga EuroMillions këtë vit.























