13:47 / 11.12.2019
Kryetari Ilazi viziton punimet në Palestrën Sportive në Kaçanik
Pamje të reja e moderne janë realizuar tashmë në palestrën sportive në Kaçanik, ku punimet kanë hyrë në fazën përfundimtare.
Kryetari i Komunës Besim Ilazi me bashkëpunëtorë vizitoi nga afër këto punime, ndërsa u shpreh i kënaqur me intensitetin që është zhvilluar kohëve të fundit, ku edhe palestra tashmë ka marrë formën e një palestre sportive.
Kryetari Ilazi tha se kjo palestër do të krijoj kushte të përshtatshme për zhvillim të kulturave të ndryshme sportive, ndërsa do të jetë një hapësirë e cila mund të shfrytëzohet edhe për aktivitete të ndryshme, duke plotësuar të gjitha standardet e nevojshme për zhvillim të veprimtarive sportive.























