13:33 / 30.01.2020
Gjermanët kanë hequr dorë nga… birra?
Viti 2019 nuk ishte mirë për prodhuesit gjermanë të birrës, sipas të dhënave të qeverisë, që treguan një rënie me 1,9% të shitjeve të birrës gjatë vitit.
”Kompanitë prodhuese dhe të ruajtjes së birrës në Gjermani shitën 9,2 miliardë litra birrë në vitin 2019”, njoftoi sot Zyra Federale e Statistikave (Destatis).
Të dhënat nuk përfshijnë birrën joalkoolike ose atë të importuar nga jashtë Bashkimit Evropian.
Sipas të dhënave konsumatorët vazhdojnë të pëlqejnë birrën gjermane, me më shumë se 80% të shitjeve që hyjnë në tregun e brendshëm./atsh/























