Ujësjellësi "Prishtina" falënderon qytetarët që mbrojtën liqenin e Badocit

Ujësjellësi "Prishtina" falënderon qytetarët që mbrojtën liqenin e Badocit

Kompania Rajonale e Ujësjellësit "Prishtina" ka falënderuar Grupin për mbrojtjen e liqenit te Badocit dhe shoqërinë civile, për të kundërshtuar ndërtimin e shtëpive pranë liqenit.

“Kompania Rajonale e Ujësjellësit "Prishtina" sh.a. duke e përcjellë me vëmendje çdo diskutim rreth këtij liqeni, shfrytëzon rastin sot që të falënderojë -Grupin për mbrojtjen e liqenit te Badocit, që falë përkushtimit dhe vendosmërisë së tyre, sot morëm të gjithë lajmin e shumëpritur nga Ministri i Infrastrukturës dhe Ambientit z. Abdixhiku.
Falënderojmë edhe shoqërinë civile dhe secilin bashkëpunëtorë që kishin dhe kanë synim, ruajtjen e kësaj pasurie të pamohueshme”, thotë Ujësjellësi "Prishtina".

Komunikata e plotë:

Sot po diskutojmë të gjithë rreth liqenit të Badocit, rreth pasurisë më të madhe që kemi , rreth furnizuesit të 30% të konsumatorëve me ujë të pijshëm.
Me mijëra njerëz u zgjuan në këmbë që ta mbrojnë dhe ta ruajnë këtë pasuri të pazëvendësueshne, në momentet më të volitshme, në momente kur ky liqe i bukur kishte nevojë për ta mbrojtur.
Kompania Rajonale e Ujësjellësit " Prishtina" sh.a. duke e përcjellë me vëmendje çdo diskutim rreth këtij liqeni, shfrytëzon rastin sot që të falënderojë -Grupin për mbrojtjen e liqenit te Badocit - që, falë përkushtimit dhe vendosmërisë së tyre, sot morëm të gjithë lajmin e shumëpritur nga Ministri i Infrastrukturës dhe Ambientit z. Abdixhiku.
Falënderojmë edhe shoqërinë civile dhe secilin bashkëpunëtorë që kishin dhe kanë synim, ruajtjen e kësaj pasurie të pamohueshme.
Liqeni i Badocit është ndërtuar në vitin 1963-1965 nga KNI Dukagjini.
Qëllimi i ndërtimit fillimisht ka qenë për destinim të ujitjes , ujë industrial për Kishnicë dhe maksimalisht 30 % e kapacitetit si furnizim me ujë për Prishtinën.
Me zhvillimin e hovshëm të Prishtinës , është cilësuar shumë më e rëndësishme të ketë destinim 100% ujin e pijshëm.
Kapaciteti maksimal trajtues i fabrikës së Badocit është 520 l/ s.
Derisa, ai i Batllavës ka kapacitet maksimal trajtues 900 l/ s dhe fabrika në Shkabaj, ku uji fillestar merret nga liqeni i Ujmanit, me kapacitet maksimal trajtues prej 700 l/ s.
Duke i mbrojtë dhe ruajtë liqenet akumuluese, ne e ruajmë dhe mbrojmë shëndetin tonë.
Dhurata më e mirë që mund t'ua lëmë brezit të ardhshëm është uji i pastër për pije.


MË SHUME NGA Nacionale