Bahtiri: Spekulimet për dorëheqjen time janë tendencioze

Bahtiri: Spekulimet për dorëheqjen time janë tendencioze

Kryetari i Komunës së Mitrovicës, Agim Bahtiri, i ka quajtur të pavërteta dhe tendencioze lajmet ku thuhet si ai ka dhënë dorëheqje nga kjo pozitë.

Madje ai ka shtuar se do të jetë kryetar i Mitrovicës edhe për dy mandate radhazi.

Postimi i plotë:

Spekulimet e disa mediave të caktuara për kinse dorëheqjen time janë të pavërteta dhe tendencioze, më qëllim të pengimit të punës time në këtë situatë të re të krijuar pas formimit të Qeverisë, e cila do ta ketë prioritet Mitrovicën.

Nuk e kam menduar asnjëherë dorëheqjen e as që do të ndodh, përkundrazi do të jem kryetar i Mitrovicës edhe për dy mandate radhazi, sepse nuk mund t’ua lë në duar qytetin tim atyre që e shkatërruan dhe ia humbën dinjitetin.

Asnjë agjendë mediale, qoftë edhe e sponzorizuar nga kundërshtarët politik, nuk do ta ndalë hovin e punës së ekipit tim, ku të gjithë drejtorët po bëjnë punë të shkëlqyer.

Po ashtu më duhet të potencoj se me ndryshimet e reja në nivel qendror, dinamika e punëve është rritur për ne, ashtu sikurse edhe mbështetja institucionale, prandaj kemi motiv që të punojmë edhe në orët e mbrëmjes.


MË SHUME NGA Nacionale