AVONET: Merrni shembull Ferizajn për mbrojten e qytetarëve nga COVID-19
BKT
Kosovë

AVONET: Merrni shembull Ferizajn për mbrojten e qytetarëve nga COVID-19

AVONET rekomanojnë komunat e tjera që të marrin shembull Ferizajn sa i përket mbrojtjes nga virusi COVID-19.

"Shembullin se si po vepron Komuna e Ferizajt është për çdo lavdatë. Këto masa që po merr Komuna e Ferizajt, konkretisht shtabi emergjent i udhëhequr nga Kryetari i Komunës, Agim Aliu është një model si për pushtetin qendror dhe shumë komuna!

Pastrimi, dezinfektimi i hapësirave publike dhe rrugëve, dezinfektimin e objekteve publike dhe atyre fetare, mbyllja e tregjeve, furnizimi i shkollave me materiale higjienike, krijimi i ekipit lëvizës emergjent të mjekëve për të intervenuar në raste të dyshimta, kontrollet e vazhdueshme të bizneseve nga Inspektorati për ta mbrojtur xhepin e qytetarëve nga rritja e çmimeve, bashkëpunimi me kryetarët e fshatrave e lagjeve për këtë situatë e sot edhe ndalimi i grumbullimit të qytetarëve nëpër parqe që të shmanget shpërndarja e virusit janë shembull i bashkëpunimit ndërinstitucional mes profesionistëve shëndetësor, Policisë së Kosovës, akterëve të tjerë dhe Komunës së Ferizajt.

Ferizaj është shembulli që sugjerojmë ta ndjekin  institucionet qendrore e komunat sesi veprohet në raste të tilla.

Edhe pse në Ferizaj dhe rrethinën e saj nuk ka asnjë të infektuar deri më tani, poashtu një falenderim është edhe për qytetarët e kesaj komune për diciplinen e respektimin e udhëzimeve nga institucionet e shtetit.

Mirënjohja, lavdërimi e përgëzimet i takojnë sot, Kryetarit të Ferizajt, Agim Aliu, shtabit emergjent, mjekëve, policëve, anëtarëve të shtabit nga Komuna e Ferizajt e të tjerëve që nuk po kursehen në asnjë rast për të ndihmuar qytetarët në këto ditë të emergjencës në shëndetit publik.

Kujdes të shtuar, por jo panik!" thuhet në komunikatë.


MË SHUME NGA Kosovë