Në Gjakovë s’ka raste të reja të dyshuara për COVID 19
BKT
Kosovë

Në Gjakovë s’ka raste të reja të dyshuara për COVID 19

Në Spitalin Regjional të Gjakovës deri më tani s’ka raste të reja të dyshuara për virusin COVID-19. Derisa organizimi dhe puna në këtë institucion shëndetësor është duke vazhduar normalisht, përkundër që disa prej infermierëve të këtij spitali janë në izolim.

Drejtori i Spitalit Regjional në Gjakovë, Hilmi Shala thotë se për shkak të kontaktit me dy infermierët që dolën pozitë ata janë izoluar, derisa u shpreh se gjendja e tyre shëndetësore është e mirë.

Shala për KosovaPress thotë se janë të furnizuar me gjitha mjetet përkatëse për t’u ballafaquar me virusin korona..

Shala: Gjendja shëndetësore e infermierëve në izolim është e mirë

“Infermierët e rrethit të ngushtë që kanë pasur kontakt me këta dy persona janë në izolim. Gjendja e tyre është e mirë . Puna po vazhdon normalisht, organizimi është në rregull”, thotë ai.

Ai thotë se infermierët që dolën pozitivë nga institucioni që ai drejton janë infektuar nga kontakti i jashtëm që kanë pasur.

Shala: Këta kanë rezultuar pozitiv nga kontakti me jashtë që e kanë pas

“Këta kanë rezultuar pozitivë nga kontakti me jashtë që e kanë pas. Infermieri i parë kontaktin nga jashtë e ka pas, jo në institucion. Do të thotë kontaktin e ka pas me personin nga Gjermania dhe ka dalë edhe gruaja e tij e cila po ashtu është infermiere në institucion”, u shpreh ai.

Drejtori Shala thotë se deri më tash fluksi i pacientëve nuk është i madh.

Shala: Jemi të furnizuar shumë mirë

“Jena të furnizuar shumë mirë edhe me maska speciale, dorëza me rroba mbrojtëse. Fluksi i pacienteve nuk ësht ë i madh. Nuk kemi raste për të dyshuar për virusin COVID 19”, thotë ai.

I pyetur se a ka qenë ndonjë prej infermierëve në takimin e javës së kaluar me deputetët Pal Lekaj dhe Teuta Haxhiu, Shala thotë se nuk ka informacion se cilët infermierë kanë qenë të në takim me ta.

Shala: Nuk e di kush është takuar me deputetët

“Nuk e di kush ka qenë aty, kush është taku me ata deputetë”, thotë ai.

Ditë më parë në këtë komunë u paraqitët dy raste pozitive me virusin Covid 19.


MË SHUME NGA Kosovë